Seminari i përbashkët para Haxhit në Myftininë e Kërçovës

Sot, në sallën e madhe të Myftinisë së Kërçovës, u realizua Seminari përgatitor para nisjes për në vendet e shenjta për kryerjen e kushtit të pestë të Islamit – Haxhit.
Në fillim, sekretari i Myftinisë Xhemail Ahmedi, njëherit edhe Koordinator i Haxhit të sivjemë, përshëndeti të pranishmit në emër të Myftiut Qamil ef. Rushiti, përgëzoi imamët udhëheqës për bashkëpunimin dhe përkujdesjen ndaj Haxhinjëve të Myftinisë së Kërçovës.

Më pas, dy imamët udhëheqës h. Sefer ef. Ibishi dhe h. Emin ef. Alija, shpjeguan për rrjedhat dhe obligimet e Haxhit, duke demonstruar edhe veshjen e Ihramit.
Pas imamëve, doktor Eran Alim, iu drejtua të pranishmëve me këshilla mjekësore duke iu përcjellë edhe planin e Bashkësisë Fetare Islame për përkujdesje shëndetësore gjatë qëndrimit në vendet e shenjta.

Në fund, për të gjithë kandidatët, u shpërndanë materialet e nevojshme si; ihramet, shamijat, çantat, bexhat dhe vizat e Haxhit.
– DUAJA E HAXHILERËVE TË KËTIJ VITI BËHET TË MËRKURËN PAS NAMAZIT TË DREKËS NË XHAMINË QËNDRORE “SULLTAN BEYAZIT” – KËTÇOVË.
– ⁠NISJA E HAXHINJËVE BËHET DITËN E ENJTE NË ORA 12:00 NGA RESTORANT “MILENIUM” (Rruga magjistrale Kërçovë-Ohër)
Allahu i Madhërishëm e lehtësoftë dhe pranoftë!

/ms