Hetem Ramadani: Pandemia u përdor për të kontrolluar njerëzit (VIDEO)

Pandemia e Covid-19 u përdor për të kontrolluar njerëzit nga grupe të mëdha interesi. I këtij mendimi ështëaplikuesi i mjekësisë alternative Hetem Ramadani i cili në asnjë moment nuk është izoluar. I ftuar në emisionin “Hipokrati në Top Channel” Ramadani shpjegoi se ajo që po i vret vërtetë njerëzit nuk është në fakt virusi.

“Nuk ështëvirusi qëpo na vret, po një sistem i dobët imunitar që vjen nga kequshqyerja, stili I jetës I keqpërdorur dhe i ngarkuar duke bërë që Covid 19 të gjej hapësirë në këto trupa. Ky virus u aktivizua për shkak të propagandës dhe fokusit që I është dhënë në media. Në Amerikë vdesin 1500 vetë në ditë sipas CNN për shkak të kequshqyerjes dhe asnjëherë nuk u tha hajde të bëjmë një lockdoën (mbyllje). Grupet e interesit që qëndrojnë pas saj janë kompanitë farmaceutike, industritë ushqimore, flas për ato që prodhojnë junkfood.

Dhe kjo propagandë detyroi njerëzit të fokuson të marrin gjithë rezervat ushqimore të këtyre kompanive farmaceutike dhe ushqimore, si rrjedhojë këto dy biznese u pastruan dhe lulëzuan. Gjithë kjo pandemi u përdor për të kontrolluar njerëzit dhe për të kufizuar liritë dhe të drejtat e njerëzve, ky është një eksperiment se si mundet një person të manipulohet për arsyet dhe qëllimet të grupeve të interesit, sipas mendimit tim. Frika është instrumenti më I mirëpër të arritur qëllime të shpejta, dhe kompani farmaceutike, pushteti etj e kanë përdorur frikën e njeriut për të arrit qëllimet e tyre”.

Ramadani: Bill Gatespo e përdor për qëllime të tjera

“Pasojat e vaksinës për Covid 19 kanë për të qenë shumë të rënda, vaksina është provë që do përdoret në trupin tonë. Në ndër arsyet e autizmit janë vaksinat, më parë kanë qenë në qarkullim shumë pak vaksina rreth tre, tani janë mbi 11. Tani cdo gjë shoqërohet me vaksina, por pasojat e vaksinës nuk na i tregon njeri. Në një intervistë madje kam folur edhe për propagandën që është duke i bërë Bill Gates vaksinave, ai po rrit në mënyrë eksponenciale kancerin, autizmin dhe sëmundje të tjera duke dhënë 10 miliardë lekë për vaksinë. Bill Gates me një qëllim të caktuar po bën një të keqe për njerëzimin. Ai ka folur në vitin 2018 madje që duhet të ulim popullsinë botërore deri në 15% me anë të një vaksine që të zvogëlohet fertiliteti I grave. Pra në fund qëllimi është një lojë e madhe”.

Ramadani: Unë e kalova virusin që në shkurt

Vetë Ramadani pohoi gatë intervistës në emisionin “Hipokrati” se e ka kaluar coronavirus që në shkurt të këtij viti se dhe në asnjë moment nuk është izoluar, as ai e as familjarët e tij.

“Unë besoj që jam infektuar po nuk e kam ndjer, gjatë muajit shkurt, kisha kollë dhe vetëm kaq. Mendoj se 70-80% e shqiptarëve e kanë kaluar, kurse statistikat botërore tregojnë se shumica e kanë kaluar këtë virus pa simptoma. Unë nuk u izolova asnjë sekond, kam pasur kontakt me njerëz të tjerë, dhe nuk kam vënë asnjëherë maskë. Madje dhe vajzën nuk e kam izoluar, e kam marrë me vete në supermarket. Kam dëgjuar komente se si po e lejoj vajzën të shkoj në supermarket. Por unë duke e ditur se si ushqehet vajza ime dhe duke i besuar teorisë sime nuk e kam izoluar. Teoria dhe përvoja ime ishte më e fuqishme se sa shkalla e propagandës nga ana e qeverive për të më frikësuar”-u shpreh mjeku alternativ.

Sipas tij izolimi ka për të shkaktuar pasoja shumë më të rënda psikologjike se vetë virusi.

“Maskat që na vunë ishin në mënyrë metaforike për të na mbyllur gojën por jo për efekt mbrojtës, ka shumë studime shkencore që tregojnë që maskat ishin të pakuptimta. Edhe respiratoret i vranë njerëzit dhe nuk u përdorën për tu shpëtuar, respiratori krijon presion në mushkri dhe i mbyt pacientët. Vaksinë-virus-respirator të tre këto komponent krijuan në mendjen tonë frikën.Izolimi ka për të na lënë pasoja të rënda psikologjike. 70% e vdekjeve që kanë ardh kanë qenë si pasojë e izolimit në këtë periudhë. Stresi, ankthi dhe pasiguria jonë për një valë të dytë infektimi po përdoren në mënyrë dashakaqe”.

Hetem Ramadani është njeriu që ka bërë kapërcime të jashtëzakonshme në jetë. Pasi shënoi arritje rekord në fushën e biznesit, ai ndryshoi tërësisht stilin e jetës dhe regjimin, ka mundur të vetëshërohet dhe të shërojë, duke përjashtuar çdolloj mjeti të mjekësisë konvencionale dhe është i pari që ka përcjellë në Shqipëri dhe Kosovë meditimin transhendental, duke sjellë mësuesit më të mirë të meditimit nga shkolla e Maharishit. Krahas meditimit, Hetem Ramadani u përfshi në fushën e studimeve shkencore të mjekësisë. Pas dekadash të tëra studime, mbi libra e kërkime shkencore, ai sot ka arritur në një përfundim, i cili hedh poshtë shumë teori të mjekësisë konvencionale.

VIDEO:

/tch