Vendimi i sotëm është një turp për sistemin e drejtësisë! Shkruan Emin Nasufi

Në një vend ku drejtësia duhej të ishte mbështetësja e qytetarit dhe mburoja ndaj padrejtësisë, sot pamë të kundërtën. Një vendim i diktuar, i paragjykuar, i paralajmëruar që më parë – dhe sot vetëm u vulos. Ky nuk ishte një akt drejtësie, por një akt frike. Frikë nga e vërteta, frikë nga zëri i lirë, frikë nga ata që nuk përkulen.
Sot drejtësia nuk foli. Sot heshti, u tremb, dhe në atë heshtje lindi një tjetër padrejtësi. Turpi nuk bie mbi ata që luftojnë me dinjitet, por mbi ata që fshihen pas togave të zeza, duke shërbyer jo ligjit, por interesit.

Kreshniku nuk është viktimë. Ai është simboli i qëndresës, i guximit për të folur kur të gjithë të tjerët zgjedhin të heshtin. Ai nuk u përkul sot, dhe nuk do të përkulet nesër. Sepse kauzat nuk dënohen me vendime gjykatash.

Ato jetojnë, rriten dhe përhapen – edhe përtej mureve të burgut. Drejtësia mund të vonojë, por kurrë nuk harron. Dhe kjo betejë sapo ka nisur.

/ms