Mërgimtarët Kërçovar problem me rrugën publike! Policia nuk reagon..!? (VIDEO)
Ky është Rexho Arifi i cili jeton dhe punon në Zvicër. Ai së fundmi bashkë me familjen kanë ndërtuar dy shtëpi në vlerë gjysmë milion euro, por ka hasur problem me fqinjët! Ata, kamionët që bartin materiale, nuk po i lënë të kalojnë nëpër rrugën që është publike, e që në fakt është zgjidhja e vetme pasi kjo rrugë është më e gjerë. Pretendojnë se rruga është e tyre pasi e kanë blerë.
Dokumentacionin që Arifi e posedon, tregon se vendi i tij posedon dy hyrje dhe dalje në rrugët e lagjes.
-Problemi është se unë me dokumentacion jam në rregull ndërsa mua ma kanë bllokuar këtë portën hyrëse dhe nuk më lejojnë të kaloj me kamionë.
-Pse ta kanë treguar arsyen?!
-Më thotë se rruga është private e tij, ndërsa kjo është e shtetit, unë kam punu me rregull kam paguar 6200 euro tatimet komunale.
-Kur kanë ardhur inspektorët nga Komuna, çfarë të thanë?
-Erdhën e panë dhe më thanë se kam plotësisht të drejtë por nuk mund të merresh vesh me komshinjtë. E tash ti je i detyruar për shkak të komshiut që nuk të lejon të kalosh në rrugë shteti ta bartësh materialin me traktorë. Po të ishte puna me kamionë do përfundonte puna për një ditë, ndërsa kështu duhet për një javë.
Kjo është rruga të cilën ligjërisht mund ta shfrytëzoj gjithsecili.
Duke xhiruar arriti njëri nga komshinjtë i cili pretendon se e ka blerë rrugën dhe filloi të akuzoi edhe ekipin e TV21, gjoja për dezinofmim dhe akuza të tjera.
-Unë e kam blerë këtë rrugë. E kam ble nga ky komshiu 9000 mijë franga.
Rrugën e shtetit ju e keni blerë nga njëri-tjetri?
Për ta vërtetuar se rruga nuk është e askujt por pronë e Republikës së Maqedonisë së Veriut, TV21 siguroi dokumente nga kadastrat dhe siç mund të shihet rruga që ka përplasur fqinjët është pronë e shtetit, e si rezultat askush nuk mund ta uzurpojë si pronë private.
Për këtë rast duhet të veprojë policia, e cila siç morëm vesh, disa ka shkuar në vendngjarje, por situata vazhdon të jetë e njëjtë.
Neni 50-a, alineja 17, i ligjit të përdorimit të rrugëve parasheh që personat fizik ose juridik që pengojnë përdorimin e rrugëve që janë në pronësi të shtetit në bazë të nenit 78 alineja 9 të gjobiten nga 2000 deri në 3000 euro.
VIDEO:
/tv21
