Gjermani: Fëmijët vendosin gurë mbi binarët e trenit..!?

Të premten e kaluar, katër fëmijë vendosën disa gurë zhavorri në binarët në zonën e ndalesës së trenit Heilbronn-Böckingen Sonnenbrunnen, të cilët më pas u shtypën nga një tren që kalonte nëpër zonë

Sipas informacioneve të mëparshme, rreth orës 13:50, linja 4 e trenit ka kaluar mbi pengesat e vendosura në binarë. Këtë incident e ka vërejtur vozitësi i trenit, me ç’rast linja është mbyllur dhe Policia Federale gjermane është njoftuar për incidentin.

Nuk ka pasur dëme të mëdha në trenat apo shinat dhe sipas informacioneve të deritanishme nuk ka të lënduar nga incidenti, transmeton portali Shtegu. Në vendngjarje u identifikuan fëmijët, të cilët janë një shtetas gjerman 13 vjeç dhe një shtetas grek 13 vjeç, si dhe dy shtetas kosovarë 13 dhe 12 vjeç.

Pas përfundimit të masave policore, fëmijët iu dorëzuan kujdestarëve ligjorë. Ajo tani po hetohet me dyshimin për ndërhyrje të rrezikshme në trafikun hekurudhor.

Në këtë kuadër, Policia Federale gjermane bën me dije se qëndrimi në pistë është i rrezikshëm për jetën. Duke vendosur pengesa, autorët rrezikojnë jo vetëm pasagjerët e trenit dhe njerëzit që qëndrojnë përreth, por edhe veten e tyre.

/shtegu