Çartet Rusia, sulm masiv me drone ndaj Ukrainës..!?

Mes përpjekjeve të mëdha ndërkombëtare për të ulur në bisedime paqe Kievin dhe Moskën, disa qytete të mëdhenj ukrainas u përballën me sulme të ashpra me dronë nga Rusia.

Të paktën 18 persona u plagosën nga sulmet që në shenjestër kishin infrastrukturën energjetike dhe atë të të prodhimit të gazit të Ukrainës.

Numrin më të lartë të të plagosurve e pati Harkivi, ku bombat ranë edhe në zona të banuara, por goditje pati deri në qytetin jugor të Odesës.

Ky ishte sulmi i parë masiv nga Rusia në Ukrainë, që pasi Uashingtoni vendi të ndërpresë ndihmën për Kievin për ta nxitur të ulet në bisedime paqeje.

Autoritetet ukrainase thanë po ashtu se për të parën herë përdorën avionët francezë Rafal për të zmbrapsur disa prej shenjestrimeve.

Sulmi ndodhi natën kur në Bruksel, liderët e Bashkimit Europian ranë dakord për planin për dyfishimin e shpenzimeve për ushtrinë dhe shtimin e mbështetjes financiare dhe ushtarake për Kievin, pas pezullimit të ndihmës amerikane.

Megjithatë, Presidenti ukrainas Volodimir Zelenski pranoi që javën e ardhshme të udhëtojë drejt Arabisë Saudite për t’u takuar me delegacionin amerikan për bisedimet e paqes me Rusinë që po organizohen nga Trump.

/ts