Urimi i myftiut të Kërçovës me rastin e Muajit të Ramazanit

Kërçova aktuale

Sot, Myftiu i Kërçovës Qamil ef. Rushiti, qëndroi në namaz të Xhumasë në Xhaminë “Sulltan Bejazit” – Kërçovë, ku u mirëprit nga Këshilli i Xhamisë dhe nga imamët mr. Imer ef. Jusufi dhe Murad ef. Huseini.

Në Hutben e Xhumasë, Myftiu përcolli urimet e sinqerta për fillimin e Muajit të begatë të Ramazanit duke theksuar ajetin e Kuranit Famëlartë;
“Muaji i Ramazanit në të cilin zbriti Kurani udhëzim për njerëzit, sqarues i rrugës së drejtë dhe dallues i saj nga rruga e shtrembër. Këdo që e gjen ky muaj le ta agjërojë atë.” |Suretu El-Bekare: 185|

“Agjërimi është një shkollë edukimi në të cilin muaj besimtari arrin të rregullojë raportin e tij me Allahun Fuquplotë ,familjen dhe farefisin dhe besimtarët në përgjithësi”.
Ju qoftë për hajr muaji i Ramazanit.
Agjërim të pranuar dhe të lehtë!
Myftinia e BFI – Kërçovë

/ms