LSDM pa BDI ,VMRO-DPMNE dhe VLEN bashkë? Partitë përgatisin terrenin për zgjedhjet lokale..

Partitë politike filluan përgatitjet për zgjedhjet lokale. Nga LSDM thonë se tashmë punojnë në agjendën e tyre dhe “janë emëruar të gjithë kryetarë të organizatave komunale dhe është konsoliduar struktura brenda partisë”.

“Inkurajon fakti që gjithnjë e më shumë njerëz po vijnë në takimet, krahasuar se si ishte gjatë fushatës ose pas fushatës para një viti. Kjo në një farë mënyre më inkurajon. I identifikojmë njerëzit më të mirë për të na përfaqësuar në zgjedhjet lokale”, tha Venko Filipçe, kryetar i LSDM .

Emrat e këtyre personave do të publikohen në prill. Filipçe tha se theks i veçantë është në bisedat me partitë e tjera dhe kandidatët e pavarur. Koalicioni BDI nuk është në lojë.
“Nga koalicioni me BDI mësuam një mësim shumë serioz, shumë punë na kaluan mbi kokë”, deklaroi Venko Filipçe, kryetar i LSDM .

Kryetari i VMRO-DPMNE thotë se këtë muaj do të bëjnë anketa.
“Propozuam emra që mendojmë se duhet të jenë pjesë e këtij procesi të anketimit dhe mendoj se tani me fillimin e shkurtit do ta nisim këtë procedurë dhe do ta mbarojmë me sukses”, tha Hristijan Mickoski, kkryetar i VMRO-DPMNE-së.

Nga VLEN paralajmërojnë luftë të përbashkët.
“Për kryetarët e komunave është sistemi i shumicës dhe mendoj se aty ku kemi kandidatë do të mbështeten nga VMRO-DPMNE, ku ka VMRO do të mbështetet nga ne. Nëse në raundin e parë apo të dytë është çështje vlerësimi. Synimi është që koalicioni qeveritar të jetë fitues absolut në zgjedhjet e ardhshme lokale”, tha Izet Mexhiti nga VLEN.

Sipas BDI-së kjo është përpjekje për të krijuar iluzion atje ku nuk ka as përkrahje e as legjitimitet.
“Ky është dallimi i madh: ne e marrim fuqinë nga populli, ndërsa ata po përpiqen ta marrin nga të tjerët. Historia ka treguar se shqiptarët dinë të dallojnë mes atyre që u qëndrojnë besnikë dhe atyre që kërkojnë rrugë të shkurtuara për pushtet. Fitorja nuk blihet, as nuk huazohet. Fitorja fitohet. Dhe ne do ta fitojmë sërish!”, thonë nga BDI.

Nga ana tjetër partia ZNAM tani për tani nuk ka zhvilluar biseda për bashkëpunim me partnerët e koalicionit në lidhje me zgjedhjet lokale.

/tv21