Kërçovarët “ngulfaten” dy ditë radhazi nga ajri i ndotur..

Si dje, edhe sot kërçovarët u zgjuan të mbuluar nga ajri i ndotur. Ministrisë e Mjedisit Jetësor #alarmoi duke kumtuar se është tejkaluar pragu i ndotjes për grimcat me madhësi deri në 10 mikrometra, duke arritur në 192 mg/m3 dje dhe 173 mg/m3 sot. #Kërçovarët thonë se ka shumë faktorë për ndotjen. Kishte edhe nga ata që kjo situatë nuk u bënte aspak përshtypje.

Për shkak të situatës së krijuar për Kërçovë, Ministria e mjedisit, rikujtoi për masat që hyjnë në fuqi. Përveç rekomandimeve ndaj institucioneve për kontrolle të intensifikuara për ndotësit potencial, kjo ministri po ashtu rekomandon që të gjithë punëdhënësit t’i lirojnë nga puna gratë shtatzëna, personat mbi 60 vjeç, si dhe personat me astmë kronike.

Ata që kanë pasur infarkt miokardik ose goditje në tru, pa marrë parasysh moshën. Po ashtu rekomandohet që punëdhënësit të riorganizojnë orarin e punës dhe personat që punojnë në natyrë të punojnë nga ora 11:00 deri në 17:00 dhe të mos organizohen gara sportive dhe aktivitete kulturore në natyrë.

/zhurnal