Lëvizja BESA nuk i ndahet Kërçovës, themelon nëndegën në Baçisht..

Lëvizja BESA ka njoftuar themelimin e nëndegës së saj në Baçisht të Kërçovës.
Në një njoftim të partisë thuhet se kjo është një hap i rëndësishëm në ndërtimin e të ardhmes, ku struktura e re synon të shërbejë si një urë lidhëse midis qytetarëve dhe vizionit të partisë për zhvillim dhe përparim.

Ky hap i ri do të kontribuoni në forcimin e Lëvizjes BESA dhe promovimin e ideve dhe projekteve të saj në nivel lokal.
“Kjo nëndegë nuk është thjesht një emër apo një simbolikë. Ajo përfaqëson angazhimin dhe përkushtimin tonë për të qenë pranë jush, për të dëgjuar zërin tuaj dhe për të punuar së bashku për të sjellë ndryshimin që të gjithë dëshirojmë.

Në një kohë sfidash të mëdha, ne jemi këtu për të ndërtuar një të komunitetit më të fortë, më të bashkuar dhe më shpresëdhënës për brezat që vijnë. Rinia do të jetë në qendër të kësaj strukture të re.

Ne synojmë të krijojmë hapësira dhe mundësi për të rinjtë tanë, që ata të ndihen të vlerësuar dhe të mbështetur në vendlindjen e tyre. Besojmë se një e ardhme e ndritur ndërtohet vetëm duke fuqizuar të rinjtë dhe duke u dhënë atyre rolin që meritojnë”, thonë nga Lëvizja BESA.

Fjalë përshëndetëse gjatë këtij aktiviteti patën Ministri i Politikës Sociale, Demografisë dhe Rinisë, Kryetari i Degës së Kërçvoës Agim Sadiku.

/zyrtare