“Çokollata e Dubait” u shit për 350 euro..!?

Të shtunën që lamë pas, gjigandi i çokollatës “LINDT” lansoi çokollatën e tij në Dubai. Shitja ishte e kufizuar, ku në Gjermani do të shiteshin vetëm 1000 copë.
Në Duseldorf u krijuan radhë të gjata të klientëve para se të hapej dyqani në Rhein.

Edhe pse e papritur, të shtunën në Gjermani ndodhi ajo që s’ishte parashikuar. Ende pa nisur shitjet zyrtare të çokollatës, në eBay nisi shitja e tyre.

Por, ato nuk shiteshin me çmim të pakicës prej 14.99 euro, por çokollatat me 150 gram, u ofruan për çmime marramendëse prej 250-350 euro.

Kur shitjet në dyqan nisën, kompania “LINDT” kishte përcaktuar një limit prej një çokollate për person, por shkaku i radhëve të gjata, kompania porositi edhe 150 çokollata të tjera që të vinin me urgjencë nga Aachen për në Duseldorf.

Klientët që kanë mbetur pa blerë çokollatën e Dubait, iu është thënë se do të kontaktohen.

/PortaliMërgata/