Zvicra u bën thirrje qytetarëve të saj të braktisin Rusinë..!

EDA (Departamenti Federal i Punëve të Jashtme i Zvicrës) ka rekomanduar sot që shtetasit zviceranë, prania e të cilëve në Rusi nuk është absolutisht e nevojshme, të largohen nga vendi përkohësisht dhe me mjetet e tyre, transmeton albinfo.ch.

Vendimi për t’u larguar nga vendi është një vendim individual.
Ata duhet të largohen nga vendi me mjete transporti komerciale.

Për shkak të sulmit ushtarak rus në Ukrainë, situata në Rusi po bëhet gjithnjë e më e paparashikueshme. Një përkeqësim i papritur nuk mund të përjashtohet.

Rusia e klasifikon Zvicrën dhe vendet e tjera që kanë vendosur sanksione ndaj Rusisë si “shtete jomiqësore”. Për këtë arsye, nuk mund të përjashtohen kundërmasat e Rusisë kundër Zvicrës dhe shtetasve zviceranë.

/albinfo