Zvicra, shteti i parë në botë që tërheq më shumë talente..

Sipas Indeksit Global të Konkurrencës 2022, Zvicra është vendi i parë në botë që tërheq më shumë talente, ndërsa në vendin e dytë është Singapori.

Raporti që publikohet nga Insead Business School në bashkëpunim me Institutin Portland çdo vit që nga viti 2013 bazohet në 69 variabla makroekonomikë, përcjell albinfo.ch.

Vlerësimi bëhet mbi mënyrën se si vendet tërheqin talentin e jashtëm, në mjediset rregullatore dhe korporative, si dhe në mbështetjen për punëtorët përmes edukimit dhe trajnimit.

Publikimi i këtij viti theksoi kulmin në rritje të Kinës, pasi ajo shkoi nga vendi i 45-të në 2019-ën në vendin e 36-të këtë vit. Bruno Lanvin, Drejtor Ekzekutiv i projektit INSEAD Global Talent Competitiveness Index theksoi se Kina “është tani vendi më konkurrues me të ardhura të mesme të larta për talentet në botë”.

Lanvin tha gjithashtu se Kina ka qenë e kujdesshme për të përshtatur aftësitë e fuqisë punëtore të saj me kërkesën e tregut, për shembull duke përsosur një sistem arsimor veçanërisht për arsimin e mesëm dhe të lartë për të përmbushur nevojat e ekonomisë.

/albinfo