Zvicra kryeson listën e vendeve më të shtrenjta në Evropë ?

Një studim i fundit mbi çmimet e restoranteve në Evropë konfirmon se Zvicra është vendi më i shtrenjtë për të ngrënë jashtë. Sipas Ferrygogo, një darkë tre-kursesh për dy persona kushton mesatarisht rreth 113 euro, më shumë se dyfishi i mesatares evropiane prej 56 eurosh.

Qytete si Cyrihu, Gjeneva, Lugano dhe Zug renditen ndër më të kushtueshmet, me çmime që mund të shkojnë deri mbi 200 franga për dy persona. Të dhënat e Numbeo tregojnë se edhe në restorante mesatare, një darkë për dy kushton mbi 100 CHF, ndërsa një vakt i thjeshtë për një person rreth 25 franga.

Çmimet e larta lidhen me standardin e jetesës, pagat e larta dhe kostot e përgjithshme të shërbimeve në Zvicër.

/albinfo