Zvicra konfirmon liberalizimin e vizave për Kosovën..

Nga 1 janari 2024, shtetasit kosovarë mund të hyjnë në zonën Shengen për qëndrime të shkurtra pa vizë. Përjashtimi nga kërkesa për vizë vlen edhe për Zvicrën. “Më 17 maj 2023, Këshilli Federal miratoi amendamentin e nevojshëm në Urdhëresën për hyrjen dhe lëshimin e vizave (VEV)”, shkruan Këshilli Federal në një deklaratë.

Kosova ka përmbushur kërkesat për heqjen e vizave në lidhje me sigurinë, kontrollet kufitare dhe menaxhimin e migracionit. Për këtë arsye, Parlamenti Evropian dhe Këshilli i BE-së miratuan një rregullore të Shengenit më 19 prill 2023, e cila i përjashton kosovarët nga kërkesa për vizë për qëndrime të shkurtra maksimumi 90 ditë.

Kërkohet posedimi i pasaportës biometrike. Si një vend Shengen, Zvicra është angazhuar për të miratuar zhvillime të mëtejshme të acquis të Shengenit.

Kërkesa për vizë për personat e punësuar
Për t’u punësuar në Zvicër ende kërkohet vizë. Shtetasit kosovarë lejohen të punësohen vetëm me kusht që të kenë kualifikime të mira profesionale dhe të mos gjenden punëtorë ekuivalent në tregun zviceran të punës ose në vendet e BE/EFTA. Gjithashtu, duhet të respektohen kushtet e zakonshme të pagës dhe punës.

Miratimi i këtij zhvillimi Shengen kërkon një rregullim të Urdhëresës për hyrjen dhe lëshimin e vizave (VEV). Ky ndryshim i urdhëresës do të hyjë në fuqi më 1 janar 2024.
Shkruajn nga faqja zyrtare e qeverisë admin.ch.

/albinfo