Zvicër:Po voziste 231 km/orë: Policia ndalon 18-vjeçarin !

Raportohet se një 18-vjeçar italian është ndaluar nga Policia Kantonale e Thurgau pasi është kapur duke udhëtuar me 231 km/orë në autostradën A7, në drejtim të Cyrihut. Ngjarja ka ndodhur të shtunën herët në mëngjes, rreth orës 03:45, përcjell albinfo.ch.

Radari i policisë regjistroi shpejtësinë ekstreme të makinës pranë zonës Frauenfeld. Pas zbritjes së kufirit të tolerancës teknike, rezultoi se drejtuesi kishte tejkaluar me 106 km/orë kufirin e lejuar prej 120 km/orë.

Si pasojë, i riu humbi menjëherë lejen e drejtimit, e cila iu konfiskua nga autoritetet. Policia ka konfirmuar se rasti është dërguar në prokurori, ku 18-vjeçari do të përballet me akuza për shkelje të rënda të rregullave të trafikut.

Ngjarja konsiderohet si një rast klasik i “Raserei” – një term që në Zvicër i referohet ngarjes me shpejtësi ekstreme dhe të rrezikshme, e që trajtohet si vepër penale me pasoja serioze, shkruan 20 minute.

/albinfo