Zvicër: Të shkurtohet periudha e karantinës, rekomandojnë ekspertët

Një grup ekspertësh shëndetësorë kanë rekomanduar shkurtimin e periudhës së karantinës nga dhjetë në gjashtë ditë ose shtatë për njerëzit që hyjnë në Zvicër nga vendet me rrezik Covid-19.

Raporti i tyre i është dërguar qeverisë.“Ne e kemi shqyrtuar pyetjen nga një këndvështrim shkencor”, tha epidemiologu Marcel Tanner për SRF.

Konkluzionet e tyre thuhet se iu dërguan qeverisë të mërkurën në mbrëmje. Sipas rregullave zvicerane, kushdo që hyn në Zvicër nga një prej vendeve në një listë që mendohet se ka një rrezik të lartë të infeksionit me koronavirus, duhet të shkojë në karantinë për dhjetë ditë për të ndihmuar në frenimin e përhapjes së Covid-19, ose rrezikon një gjobë.

Sidoqoftë, ka pasur presione nga qarqet e biznesit dhe sektori i udhëtimeve për të shkurtuar periudhën e karantinës.

Virologu Didier Trono ndan mendimin e tij.

“Pas gjashtë ose shtatë ditësh rreziku i ngjitjes është shumë më i ulët, rreziku zero nuk ekziston. Ky është një vendim politik, bazuar në një vlerësim të rrezikut”, tha ai për Radion Publike zvicerane, RTS, të mërkurën.

Vendimi përfundimtar do të vijë nga Këshillin Federal. Dy javë më parë, ministri i Financave, Ueli Maurer, i tha SRF-së se ai priste që periudha e karantinës të shkurtohej për njerëzit që hynin në Zvicër nga vendet në rrezik, shkruan swissinfo.ch, përcjell albinfo.ch.