Zvicër: Sigurimi i veturave po bëhet më i shtrenjtë!

Veturat moderne janë bërë sisteme shumë komplekse me teknologji të avancuar, gjë që ka rritur ndjeshëm kostot e riparimit. Sipas sigurimit Axa, vetëm brenda pesë viteve kostoja e zëvendësimit të një feneri është rritur me 44 përqind, ndërsa dëmet mesatare nga përplasjet në vitin 2024 arritën rreth 3,400 franga zvicerane.

Pjesët rezervë janë gjithnjë e më të shtrenjta për shkak të kompleksitetit teknologjik, kostove të punës, inflacionit dhe kërkesave më të larta të klientëve. Kjo ka bërë që edhe primet e sigurimit të makinave të rriten, duke prekur edhe shoferët pa aksidente dhe automjetet më të vjetra.

Ekspertët rekomandojnë krahasimin e sigurimeve, anulimin e policave pas rritjes së primit dhe, kur është e mundur, riparimin ose përdorimin e pjesëve të përdorura për të ulur kostot.

/albinfo