Zvicër: Njerëzit notojnë për tu kthyer në shtëpi pas punës..(VIDEO)

Në muajt e verës, banorët e Bazelit ecin rrugëve të qytetit me çanta të ndritshme në formë peshku. E ashtuquajtura Wickelfisch është në fakt një çantë e papërshkueshme nga uji , të cilën ata e përdorin për të ruajtur gjërat e tyre kur vendosin të notojnë në lumin Rhine , transmeton “Punkufer” .

Lumi i fuqishëm evropian në korrik dhe gusht është një burim argëtimi për shumë qytetarë të këtij qyteti zviceran në kufi me Gjermaninë dhe Francën.

Pra, megjithëse temperatura mesatare e verës në Bazel është vetëm rreth 25 gradë Celsius, dhe Rhine karakterizohet nga një rrjedhë lumore shumë e shpejtë dhe e paparashikueshme që rekomandohet vetëm për notarët më të mirë, shumë njerëz kërkojnë freski në të.

Shpesh do të shihni biznesmenë që heqin kostumet e tyre pas punës në brigjet e Rhein, duke i ruajtur ato në Wickelfisch dhe duke notuar në shtëpi.
Disa pretendojnë se në këtë mënyrë duan të pushojnë pas punës, e të tjerë duan të shmangin bllokimin e trafikut në qytetin me rreth 170 mijë banorë.

Shumica e notarëve notojnë në seksionin midis urave Schwarzwald dhe Johanniter dhe lejojnë që rryma t’i çojë në rrjedhën e poshtme.
Jo vetëm që lumi me temperament Rhine është për notarë të shkëlqyeshëm, por nuk ka shpëtimtarë përreth. Nëse dëshironi të notoni në të, ju e bëni këtë në rrezikun tuaj.

VIDEO:

/alsatm