Zvicër i vdekuri udhëton gjashtë orë në tramvaj pa e vrejt askush..

Një zviceran vdes në tramvaj. I vdekuri ka “qarkulluar” nëpër qytet për gjashtë orë të tëra dhe askush nuk e ka vërejtur.
Kjo ka ndodhur në Cyrih të Zviceës. Siç raportojnë mediat lokale, zvicerani 64-vjeçar pësoi një arrest kardiak në tramvaj.

Të hënën në mëngjes në orën 6:21 të mëngjesit, ai hipi në tramvaj në linjën 2 në rrethin Altstetten, transmeton portali Shtegu.
Qëllimi i tij: të shkonte në punë. Por ai atje nuk arriti kurrë.

Video regjistrimet nga autoritetet e transportit të Cyrihut tregojnë se si 64-vjeçari shembet pak pasi hipi në tramvaj.
Vetëm rreth mesditës një grua i tregoi vozitësit, i cili e lajmëroi shërbimin e ndihmës së shpejtë. Më kot.

Në këtë çast, burri tashmë ishte “shetitur” gjashtë orë nëpër qytet.
“As vozitësi i tramvajit dhe as udhëtarët e tjerë nuk kanë vërejtur asgjë. “Injoranca e njerëzve më bën të shtangur dhe të trishtuar”, ka akuzuar djali i të vdekurit.

/shtegu.com