Zvicër: Cilat do të jenë kursimet dhe shpenzimet shtesë të familjeve në vitin 2026?

Viti 2026 sjell zhvillime të përziera ekonomike. Pensionistët do të përfitojnë për herë të parë nga pensioni i 13-të AHV, me një të ardhur shtesë prej 1260 deri në 2520 franga për beqarët. Megjithatë, primet e sigurimit shëndetësor do të rriten mesatarisht me 4.4%, duke arritur rreth 393 franga në muaj për person.

Çmimi i energjisë elektrike pritet të bjerë me rreth 4%, duke sjellë kursime modeste për familjet. Në të kundërt, pronarët e instalimeve fotovoltaike do të përballen me rënie të të ardhurave, pasi tarifat e blerjes së energjisë diellore ulen me rreth 25% për shkak të Ligjit të ri të Energjisë.

Normat e interesit mbeten të ulëta, çka përfiton kreditë hipotekore dhe konsumatore. Norma maksimale për kreditë konsumatore do të ulet në 10% nga 1 janari 2026. Qiratë pritet të mbeten përgjithësisht të qëndrueshme, falë inflacionit të ulët dhe normave të pandryshuara të interesit.

/albinfo