Zgjedhjet lokale, Musa Xhaferi kundër Ali Ahmetit në Kërçovë..

Kur zgjedhjet lokale kanë mbetur edhe disa muaj, kanë nisur aktivitetet e kandidatëve për kryetar komunash për të shpalosur programet e tyre para qytetarëve. Ditë më parë kandidati i pavarur për komunën e Kërçovës, Fatmir Limani ka mbajtur një takim me qytetarët e Kërçovës për të kërkuar besimin dhe votën e tyre duke shpalosur edhe programin për 4 vitet e ardhshme nëse ai do të zgjidhej kryetar i Kërçovës.

Në këtë takim ka marrë pjesë edhe Musa Xhaferi si njëri ndër mbështetësit kryesor të Fatmir Limanit dhe një grup i vogël i mbështetësve të tij. Xhaferi me kandindimin e Fatmir Limanit në Kërçovë gjithnjë është përfolur se ka dalur kundër liderit të BDI-së, Ali Ahmetit.

Nga ana tjetër kandidimin e Fatmir Limanit shumë analist dhe njohës të çështjeve politike e shohën si një thikë të Musa Xhaferit kundër Ahmetit në bashkëpunim me VMRO-në. “Kandidimi i Fatmir Limanit shihet haptas për të penguar Deharin të rizgjidhet kryetar komune edhe një mandat, por më e keqja është se ata bashkë me VMRO-në nuk e dëshirojnë që një shqiptarë të rimer Kërçovën”.

I pyetur nga gazetarët në Tv21 muaj më parë, nëse Limani ka marrë mbështetjen e VMRO-së për kandidimin e tij në këto zgjedhje, ai ka dashur të heshtë duke lënë të kuptohet se ka mbështetje të fuqishme nga VMRO-ja në koordinim me Musa Xhaferin.

Në anketat e fundit të IRI-t dhe institucioneve tjera ndërkombëtare dhe të vendit, Fatmir Dehari nga BDI-ja ka mbështetjen e shqiptarëve për të fituar zgjedhjet e 17 tetorit. Në garë deri tani zyrtarisht janë kandidati i BDI-së, i PDSH-së dhe Fatmir Limani si i pavarur, nga ASH-ja BESA dhe VMRO-ja ende nuk ka asnjë kandidat.

Ndryshe prej 27 shtatorit do të fillojë fushata zgjedhore në Maqedoninë e Veriut, kumtoi Komisioni Shtetëror Zgjedhor pasi kryeparlamentari Talat Xhaferi i shpalli zgjedhjet lokale për më 17 tetor.

Listat e kandidatëve duhet të dorëzohen nëpër komisionet komunale deri më 11 shtator në ora 24:00
Fushata do të përfundojë më 15 tetor, kurse shorti për radhitjen e partive politike në fletën e votimit do të duhet të realizohet nga KShZ-ja deri më 23 shtator.
Do të ketë edhe lista të pavarura, ku afati për dorëzimin e nënshkrimeve do të jetë prej më 16 deri më 31 gusht.

/TetovaSot/