Zenel Jonuzi largohet nga posti i drejtorit të “Komunalec”-it: Falënderon bashkëpunëtorët dhe i uron suksese pasuesit

Zenel Jonuzi, një nga njerëzit dhe drejtuesit më të suksesshëm të Ndërmarrjes Komunale “Komunalec” – Kërçovë, ka njoftuar përmes një postimi në Facebook se prej sot nuk do të jetë më në krye të ndërmarrjes.

Në njoftimin e tij, Jonuzi ka falënderuar të gjithë bashkëpunëtorët, punëtorët dhe qytetarët për mbështetjen gjatë periudhës së udhëheqjes, duke vlerësuar punën e përbashkët dhe rezultatet e arritura. Ai gjithashtu i ka uruar suksese drejtorit të sapoemëruar, duke shprehur besimin se projektet dhe puna e nisur do të vazhdojnë me përgjegjësi dhe përkushtim.

.me poshte shkruan:
Të nderuar miq, shokë, kolegë, punëtorë të Ndërmarrjes Komunale “Komunalec” – Kërçovë, si dhe të gjithë ju shfrytëzues të shërbimeve tona komunale,
Ju njoftoj se nga sot, 19.11.2025, kam përfunduar detyrën time si drejtor i Ndërmarrjes Komunale “Komunalec” – Kërçovë.

Ka qenë nder dhe përgjegjësi e madhe të udhëheq këtë ndërmarrje, duke punuar së bashku për përmirësimin e shërbimeve publike dhe funksionimit të qytetit tonë.
Ndërmarrjen e kam pranuar me 8 mjete (udhëtimi dhe pune), shumica prej tyre në gjendje të dobët funksionale. Sot e lë ndërmarrjen me 50 mjete të llojeve të ndryshme, të pajisura me të gjitha mjetet shtesë (udhëtimi, të rënda dhe pune), të cilat i kanë dhënë ndërmarrjes kapacitet të ri, efikasitet më të lartë dhe standard modern të operimit të shërbimeve komunale.

Gjithashtu, në kuadër të projektit “Menaxhimi i qëndrueshëm i mbeturinave në nivel lokal”, të realizuar nga SALAR International dhe të financuar nga Qeveria Suedeze, është zhvilluar plani operativ regjional për menaxhimin e mbeturinave për rajonin Jugperëndimor dhe atë të Pellagonisë.

Brenda këtij procesi, kemi siguruar 6 kamionë prej 12 m³ të financuar nga Banka Evropiane për Rindërtim dhe Zhvillim (BERZH). Këto mjete përbëjnë një investim të rëndësishëm në modernizimin e menaxhimit të mbeturinave në Kërçovë (ende nuk kanë arritur për shkak të zgjedhjeve lokale në RMV ose arsyeve të tjera).

Shpreh mirënjohje të veçantë për punëtorët e ndërmarrjes, për përkushtimin e tyre të vazhdueshëm; për bashkëpunëtorët, miqtë dhe kolegët, për mbështetjen dhe korrektësinë; si dhe për shfrytëzuesit e shërbimeve komunale, të cilët me mirëkuptim dhe bashkëpunim kanë kontribuar në mbarëvajtjen e punës sonë.

Po ashtu, i uroj drejtorit të ri suksese dhe punë të mbarë në detyrën që e pret. Besoj se puna e nisur do të vazhdojë me përgjegjësi, përkushtim dhe vizion, duke e çuar ndërmarrjen edhe më përpara.
Me respekt,
Zenel Jonuzi
Data: 19.11.2025

/tvgurra