Zaevi dhe Kovaçevski kanë harxhuar mbi 280 mijë euro për reklamim në facebook..!?

Partia në pushtet VMRO-DPMNE ka theksuar se derisa ishin kryeministra Zoran Zaev dhe Dimitar Kovaçevski shpenzuan 280 mijë euro në reklamat në Facebook për siç thuhet gënjeshtrat dhe manipulimet e tyre, përcjell INA.

“Derisa LSDM vidhte shtetin, Zaev dhe Kovaçevski shpenzuan edhe 280 mijë euro për reklama në Facebook. 280 mijë euro përfunduan me promovimin e politikave të dështuara të LSDM-së, Zaevit dhe Kovaçevskit, të cilat e rrënuan vendin”, tha VMRO-DPMNE.

Më tje thuhet se LSDM, Zaev dhe Kovaçevski dhanë 280 mijë euro për të mbuluar përgjegjësinë për spitalin modular në Tetovë, për Durmo Tours dhe për tenderët e Vasko Kovaçevskit dhe për të gjitha krimet dhe dallaveret që kanë bërë.

“LSDM, Zaev dhe Kovaçevski shpenzuan 280 mijë euro për të shpërqendruar njerëzit derisa vëllezërit e Zaev dhe Filipçe po ndërtonin bashkë termocentrale fotovoltaike, ndërsa qeveria e Kovaçevskit ia jepte gruas tokë për një termocentral diellor. Në vend të popullit, LSDM, Zaev dhe Kovaçevski shpenzuan 280 mijë euro për gënjeshtrat dhe manipulimet e tyre”, thuhet në komunikatën e VMRO-DPMNE-së.(INA)

/lajmpress