Zaev: Nuk mendoj se duhet të dorëhiqet Qeveria..(VIDEO)
E gjithë Qeveria nuk ka përse të ndjejë përgjegjësi morale për ngjarjen tragjike në Tetovë, tha kryeministri Zoran Zaev. Sipas tij nuk ka nevojë që e gjithë Qeveria të jap dorëheqje për shkak se, siç tha, tragjedi ndodhin gjithkund në botë.
“Tragjedi ndodhin gjithkund në botë dhe ashtu siç thashë në kumtesën time, e kuptoj aktin e lartë moral të ministrit, zëvendësit të tij, drejtorit dhe drejtorit ekonomik si akt që vjen nga shkaqe njerëzore, si akt në aspekt moral dhe etik dhe ja ato dorëzuan dorëheqjet. Nuk mendoj se e gjithë Qeveria duhet të jap dorëheqje për shkak të ngjarjes”, tha Zaev.
Për shkarkimin ose jo të ministrave të Shëndetësisë dhe dy drejtorëve të Spitalit në Tetovë, Zaev edhe njëherë përsëriti se pret hetimin të përfundojë, por vlerësoi se nuk e di se deri ku është procedura e hetimit.
“Është e rendit që njëherë të presim që të marrim të gjitha përgjigjet nga të gjithë ekspertët, nga forenzika, nga hetimi i tërësishëm dhe nga të gjitha aspektet e mundshme që pastaj të them mendimin tim për dorëheqjet e dorëzuara nga ministrit, zëvendësministrit dhe nga drejtorët e spitalit”, shtoi ai.
Në ndërkohë edhe ministri Filipçe dhe zëvendësi i tij se bashku me drejtorët kryejnë ende kryen funksionin e tyre, deri sa formalisht të shkarkohen. Por çka pret kryeministri që të tregoj hetimi, që më pas ai të kërkojë përgjegjësi nga ministrat dhe drejtorët e dorëhequr.
“Mendoj se ne jemi njerëz shumë transparent, japim përgjigje në të gjitha pyetjet. Lëreni kohë që të përfundojë procedura. Ju doni që të predikojmë përgjigjet dhe të bëjmë tregime gjë që nuk është korrekte. Lëreni që profesionistët ta kryejnë punën dhe përgjigjët do t’i keni të gjitha në kohë adekuate”, tha më tej Zaev.
Por VMRO-DPMNE, nuk do të presë të përfundoje hetimi për zjarrin në Tetovë. Ata deri në Kuvend do të dorëzojnë vendim për shkarkimin e ministrit për Shëndetësi, Venko Filipçe për shkak të menaxhimit të keq të krizës shëndetësore e cila kulmoi me rastin tragjik në Spitalin modular dhe mori jetën e 14 viktimave.
“Vlerësojmë se është koha që Talat Xhaferi duhet të vendoset në funksion të mbrojtjes së qytetarëve dhe përfundimisht të tregojë vullnet politik që dorëheqja e Venko Filipçes të konstatohet në Kuvend. Pas një katastrofe të tillë, ajo që më së paku mund të bëj Kuvendi për qytetarët është që të konstatojë dorëheqjen e Filipçes”, vlerëson Antonio Milloshoski nga VMRO-DPMNE-ja.
Për të kryer hetimin disa nga ekspertët gjerman që duhet të sigurojnë terrenin tanimë kanë arritur në vend, po bëjnë shqyrtimet e para dhe përgatisin terrenin për ekspertë të forenzikës që të ndihmojnë në hetim.
VIDEO:
/tv21
