Zaev dhe Filipçe shihen bashkë teksa shijojnë pushimet në Halkidiki ! (FOTO)

Kjo foto është bërë sot, në Halkidiki. Me Venkon dhe me Zokin po relaksohet edhe Aleksandar Trajanovski, kandidati i LSDM-së për kryetar të komunës së Aerodromit. Po flasim për “freskimin” me akullore, natyrisht…

Ndërkohë që në Shkup, përveç motit përvëlues, po nxehet edhe debati politik përpara fushatës për zgjedhjet lokale, lideri aktual dhe ai i mëparshmi i LSDM-së, Venko Filipçe dhe Zoran Zaev, po relaksohen në një jaht luksoz në bregun e Detit Egje.

Fotoja është shkrepur sot, në gjirin e dytë të Halkidikit, para restorantit ekskluziv “Panos”. Jahti ekskluziv është në pronësi të Zoran Zaevit dhe është i ankoruar në gjirin e tretë.

Bie në sy shpërndarja e “ekipazhit” në këtë mjet lundrues. Në “hundën” e jahtit është Venko Filipçe dhe, me shumë gjasë, po stërvitet për të hedhur spirancën që të tërheqë përpara. Pas, pranë motorit, ndodhet mentori i tij, Zoran Zaev. Që të dihet kush është forca lëvizëse e partisë dhe kush vepron nga prapavija.

Në jaht nuk shihet mirë personi i tretë i rëndësishëm nga shoqëria – kandidati për kryetar të komunës së Aerodromit nga LSDM, Aleksandar Trajanovski. Por, për këtë kemi foto nga restoranti “Panos”, ku shihet qartë se Trajanovski është i zënë duke shijuar drekën, që ndoshta është paguar nga sponsori kryesor.

Sidoqoftë, siç është bërë tashmë e ditur dhe është thënë publikisht nga krerët e LSDM-së, Zaev nuk përzihet fare në punët partiake dhe në zgjedhje. Çka, siç duket, dëshmohet edhe nga kjo që pamë.

E kështu… Disa po relaksohen në jaht në Halkidiki, e disa të tjerë, si “të nxehtit” në selinë e partisë në Bihac apo disa anëtarë më të vjetër dhe “bota” të aktivizuar posaçërisht për fushatën lokale, le të ngjiten, le të bërtasin me zë të lartë, le të kritikojnë “regjimin”, le të premtojnë fitore dhe marrëzira të ngjashme.

FOTO:

/zhurnal