Xhamitë e Kërçovës grumbulluan ndihma për vërshimet

Myftinia e Kërçovës përshëndet dhe falënderon imamët e saj, këshillat e xhamive, si dhe xhematin në përgjithësi për mbështetjen dhe solidaritetin e treguar ndaj familjeve të prekura nga vërshimet në qytetin tonë.

Si rezultat i këtij aksioni solidarizues, i organizuar nëpër xhamitë e Myftinisë së Kërçovës ditën e xhumasë, më 09.01.2026, u arrit të mblidhen këto mjete financiare: 367.900 denarë, 1.969,50 euro, 240 franga zvicerane dhe 160 dollarë amerikanë, që në kundërvlerë të përgjithshme përbëjnë 8.340 euro.

Këto mjete do të shndërrohen në ndihmë materiale për të dëmtuarit nga vërshimet, në përputhje me nevojat e tyre emergjente. Nevojat do të konstatohet në terren nga komisioni i Myftinisë së Kërçovës, i formuar posaçërisht për këtë qëllim, në bashkëpunim me institucionet lokale përkatëse.
Allahu xh.sh. e shpërbleft kontributin dhe solidaritetin tuaj.

FOTO:

/ms