Xhamia e Regensdorfit festoi 27-vjetorin e themelimit (FOTO)

Pata nderin dhe kënaqësinë të marr pjesë bashk me shefin e misionit konsullor te Republikës së Kosovës në zyrih Z. Vigan Berisha në manifestimin e organizuar me rastin e 27-vjetorit të themelimit të xhamisë së Regensdorfit, një moment i rëndësishëm për komunitetin tonë. Ky përvjetor përkoi me teravinë e fundit të këtij Ramazani, duke i dhënë një domethënie të veçantë këtij eventi.

Dëshiroj të shpreh mirënjohjen time për organizatorët, veçanërisht për kryesinë e xhamisë, që me përkushtim dhe përpjekje të palodhura mbajnë gjallë frymën e bashkësisë dhe vlerave tona fetare dhe Kombtare. Ishte kënaqësi të dëgjoja fjalimet përshëndetëse dhe përmbledhjen e veprimtarisë 27-vjeçare të kësaj xhamie nga imami mr.hfz. Ferit Zeqiri, si dhe të përjetoj interpretimet e bukura të ilahive nga hafizi dhe ilahisti Musli Musliu.

Një falënderim i veçantë për të gjithë ata që kontribuuan në këtë manifestim, për të gjithë ata që me përkushtim shërbyen gjatë gjithë muajit të Ramazanit, si dhe për firmën Jakupi Blumen për gjestin e tyre simbolik në shpërndarjen e trëndafilave.
Urime 27-vjetori i xhamisë së Regensdorfit! Zoti na e pranoftë agjërimin, lutjet dhe veprat e mira!
Me respekt,Ambasador Rexhep Demiri

FOTO:

/ms