Washington Examiner: Shqipëria, narkoshteti më i ri në botë ?

Me mijëra të vdekur në përshkallëzimin e fundit të luftimeve mes Hezbollahut dhe Izraelit në Liban, është e vështirë të imagjinosh se Libani dikur ishte një oazë paqeje dhe tolerance, me Bejrutin që njihej si “Parisi i Lindjes së Mesme”.

Sipas Michael Rubin në Washington Examiner, kjo paqe u shkatërrua gradualisht, fillimisht nga Siria e Hafez al-Assadit, që e trajtoi Libanin si një zonë të veçantë dhe e shndërroi vendin në një qendër për pastrim parash dhe aktivitete kriminale.

Rubin gjithashtu e lidh situatën me Pakistanin dhe Qipron Veriore, duke treguar se shtete të vogla shpesh përdoren si baza për interesa të fuqive të mëdha, shpesh në dëm të sovranitetit të tyre dhe me pasoja serioze për sigurinë ndërkombëtare. Ai thekson se, ashtu si Siria kishte kontroll mbi Libanin, Turqia përdor Qipron Veriore për pastrimin e parave dhe aktivitete kriminale, duke krijuar një situatë ku ligji dhe drejtësia shpesh nuk funksionojnë.

Në lidhje me Shqipërinë, Rubin paralajmëron se qeverisja e Edi Ramës po e shndërron vendin në një qendër të krimit dhe ekonomisë së drogës, duke krijuar një mjedis të ngjashëm me atë të Libanit të pasluftës. Ai paralajmëron se, nëse nuk ndërhyhet, Shqipëria mund të bëhet një bazë për aktivitetet kriminale dhe terroriste në Europë, duke e përshkruar situatën si një “gangrenë” që duhet ndalur para se të përhapet më tej.

/joq