Policia zvicerane plagos dy shqiptarë, njëri në gjendje kritike për jetën..

Bëhet e ditur nga polica zvicerane, se në mbrëmjen e së shtunës, dy shqiptarë janë plagosur derisa janë përballë me policinë zvicerane gjatë ikjes, shkruan albinfo.ch.

Sipas burimeve te policisë kantonale të Glarner, thuhet se orët e mbrëmjës, është marrur një telefonat për një vjedhje në një shtëpi pushimi në Glarus (Zurich).

Policia doli menjëherë në vendin e ngjarjes dhe u përballë me grabitësit e dyshuar, ndaj të cilëve kanë përdorur edhe armët e zjarrit.

Thuhet se grabitësit e dyshuar derisa po tentonin të largoheshin me veturë, kanë hasur në postblloqe të policisë të cilët kanë gjuajtur me armë duke plagosur dy prej tre shqiptarëve të dyshuar si të implikuar në vjedhje.

Lidhur me ngjarjen, thuhet se tre personat tentuan të largohen duke u aksidentuar rreth një kilometër më pas.
Ndërkohë që policia zvicerane njofton se të dyshuarit janë shtetas shqiptarë pa vendqendrim në Zvicër.

Media zvicerane, 20 minute shkruan se njëri prej të plagosurve është në gjendje kritike për jetën, derisa një tjetër ka mundur të reagoj pas plagosjes.
Një tjetër grabitës i dyshuar nuk ka pësuar ndonjë lëndim dhe ai tashmë është arrestuar nga policia.

/Albinfo.ch