VLEN: Rrugëtimi politik i Fatmir Limanit, çështje e tij personale! Nuk duam ta komentojmë

Nga VLEN kanë reaguar në lidhje me deklaratën e shkurtër të kryeministrit Hristijan Mickoski, në lidhje me çështjen e ministrit të Politikës Sociale, Demografisë dhe Rinisë, Fatmir Limani, përcjell TV21.

Nga kjo parti thonë se Limani është vetëpërjashtuar nga partia dhe se rrugëtimi i tij politik është çështje e tij personale.

“Qëndrimi ynë si VLEN për çështjen e Fatmir Limanit ka qenë konzistent gjatë gjithë kohës. Ai u vetpërjashtua dhe si rrjedhojë nuk do ta përfaqësojë më VLEN-in në Qeveri pas rikonstruimit që po vjen. Rrugëtimi i tij i ardhshëm politik është zgjedhje e tij personale që nuk duam ta komentojmë”, thanë nga VLEN për TV21.

/tv21