VLEN: Kontratat për kanalizimin në Zajaz hapin dyshime të reja, a lidhet afera me renë e Ali Ahmetit? (VIDEO)

Të nderuar qytetarë,
Të nderuar përfaqësues të mediave,
Vetëm para tre ditësh e informuam opinionin për dyshime serioze rreth projektit të kanalizimit në Zajaz. Sot, ky skandal korruptiv me projektin e dështuar të kanalizimit merr dimension të ri.

Deri tani, opinioni publik ka mësuar se Policia financiare ka ngritur kallëzim penal për dyshime mbi keqpërdorime serioze, se shteti është dëmtuar për mbi 127 milionë denarë dhe se janë zhdukur rreth 9,5 milionë euro fonde evropiane.

Por tani shtrohet edhe një pyetje po aq e rëndësishme. Kush tjetër ka qenë pjesë e realizimit të këtij projekti?
VLEN disponon kontrata bashkëpunimi nga të cilat rezulton se kompania azerbajxhanase “Akelik”, realizuese e projektit, ka lidhur marrëveshje me disa kompani vendore.

Bëhet fjalë për gjashtë kompani vendore RAG Kompani, Përparimi, OZ & AL Trans, Kimi Ibra, Euro Bodeni-Hit dhe Bibaj.
Këto kontrata hapin një kapitull tjetër të kësaj afere. Nuk shtrohet më vetëm dilema pse dështoi projekti, por edhe kush përfitoi dhe kush ishte pjesë e tij.

A janë këto kompani thjesht nënkontraktues të zakonshëm, apo flasim për një rrjet më të gjerë biznesesh të lidhura me familjen Ahmeti?
Pikërisht për këtë arsye i bëjmë thirrje publike Policisë financiare dhe Prokurorisë publike t’u japin përgjigje katër pyetjeve.

E para, a do të verifikojnë Policia Financiare dhe Prokuroria Publike nëse ekziston lidhje biznesi mes Egzona Rizmanit, resë së Ali Ahmetit, dhe kompanive të angazhuara nga “Akelik”?
E dyta, kush i propozoi dhe kush vendosi që pikërisht këto kompani të angazhohen në projekt të financuar me fonde evropiane dhe mjete të qytetarëve?
E treta, sa para janë paguar për secilën prej këtyre kompanive dhe cilat punë konkrete kanë kryer?

Dhe e katërta, a do të zgjerohet hetimi për të përfshirë të gjithë rrjetin e kompanive të angazhuara në këtë projekt?
Nëse nuk ekziston asnjë lidhje, institucionet duhet ta thonë këtë qartë dhe publikisht.

Por nëse një lidhje e tillë ekziston, atëherë qytetarët kanë të drejtë të dinë nëse milionat e Bashkimit Evropian dhe paratë e taksapaguesve kanë përfunduar në një rrjet kompanish të lidhura me familjen Ahmeti.
Kanalizim nuk ka.
Milionat evropianе nuk janë.
Ka ardhur koha që qytetarët të marrin përgjigjen që ende mungon.
Ku kanë përfunduar paratë?
Daut Beqiri – VLEN

VIDEO:

/vlen