Vijnë mërgimtarët kolona para tunelit Gotthard në Zvicër..

Si zakonisht në fillim të pushimeve, edhe sot, kush nget makinën drejt jugut duhet të ketë shumë durim. Në orët e hershme të pasdites së të premtes, koha e humbur e shoferëve para tunelit Gotthard ishte rreth një orë e 40 minuta, raporton agjencia zvicerane e lajmeve SDA.

Me fjalë të tjera të premten pasdite pas orës 14.30 kolona etrafikut përpara portalit verior të tunelit rrugor Gotthard kishte arritur një gjatësi prej 10 kilometrash.
Midis lokaliteteve Erstfeld dhe Göschenen (Kantoni Uri), veturat përparonin gradualisht ose qëndronin në vend, raporton TCS në Twitter.

Pushimet verore kanë filluar të premten, në kantonet e Basel-Stadt, Lucern, St. Gallen dhe Schaffhausen, transmeton albinfo.ch. Një javë më vonë edhe Kantoni i Cyrihut do të jetë gati për pushime. Në disa kantone tjera, si: Baselland, Appenzell-Innerrhoden, Bernë, Graubünden dhe Gjenevë, pushimet verore kanë filluar një javë më parë.

/albinfo