Vetëvendosja merr përsipër gazin lotsjellës në koncertin e Bregoviqit..

Gjatë natës së mbrëmshme në Festivalin e Birrës në Korçë, në natën përmbyllëse të këtij festivali, i ftuar për të mbajtur koncert ishte edhe këngëtari me prejardhje nga Serbia, Goran Bregoviq.

E në shenjë proteste është hedhur gaz lotsjellës përgjatë koncertit, ku u preken qindra qytetarë që ishin mbledhur për të ndjekur nga afër koncertin. Ndërkohë, autorësinë e këtij sulmi duket se e ka marrë Lëvizja Vetëvendosje.
Kreu i Degës në Shqipëri, Boiken Abazi, ironizon se kjo ishte përgjigja për t’i dhënë kuptim festës.

Postimi i plotë i Abazit:
Në një koncert të jugonostalgjikut Bregoviq, ku ai këndon në Shqipëri vargje si “Mos e gris fustanin”, duke marrë parasysh 20.000 gra të përdhunuara në Kosovë dhe faktin se ai nuk e njeh pavarësinë e Kosovës dhe nuk e ka dënuar kurrë gjenocidin e Serbisë, nuk do kishte kuptim hareja dhe gazi, përveç atij lotsjellës.

/ts