Vazhdon tradita e iftareve falas në Kërçovë..(VIDEO)
Janë orët e pasdites dhe këta aktivistë në Kërçove kanë filluar me përgatitjen e iftareve për personat me gjendje të vështirë financiare.
Disa po servojnë paketimet, e të tjerët po përgatisin mishin në zgarë, që të jetë sa më i ngrohtë para ifarit. Mjetet për ushqimet vijnë nga bamirës të ndryshëm të vendit dhe diasporës.
“Ndihmojmë sa më shumë në këtë muaj të Ramazanit, shpërndajmë iftare, çdo gjë përgatitet këtu, përgatitet nga ne është e freskët, këtu i bëjmë paketimet.
Një pjesë e ushqimeve ndahet këtu në vend, ndërsa një pjesë e shpërndajmë nëpër fshatra, gjithkund ku ka nevojë, kjo është si risi na paraqiten një ditë përpara dhe ne të nesërmen e dimë saktë se sa iftare duhet të përgatisim, ne gjithashtu kemi shpërnda edhe pako ushqimore para disa ditëve”, pohoi Burim Sejdini-organizator.
Këta aktivistë çdo ditë mblidhen në mënyrë vullnetare nga ora 17 dhe fillojnë me paketimin dhe përgatitjen e pakove me ushqime për skamnorët. Ata thonë se e bëjnë çdo vit dhe nuk lodhën, përkundrazi ndjenjë një far kënaqësie që të ndihmojnë të tjerët.
“Ky aksion humanitar është me vetiniciativë dhe po ndodhë për të tretin vit me radhë për muajin e Ramazanit, këtu ne të gjithë së bashku e përgatisim dhe e shpërndajmë iftarin e Ramazanit, një pjesë këtu një pjesë nëpër shtëpi ku njerëzit vërtetë kanë nevojë, me qëllim që të gjithë ta ndjenë iftarin”
“Ja pra tre vite që jemi aktivistë të këtij aktiviteti dhe për hir të muajit të Ramazanit e bëjmë shpërndarjen e iftareve si dhe shpërndarjen e pakove”
Në Kërçovë kjo traditë e iftareve falas vazhdon tashmë tre vjet me radhë gjatë muajit të Ramazanit.
Përveç iftareve që jepen tek Berza, ka edhe aktivitete tjera, si shpërndarja e pakove ushqimore për të ndihmuar familjet skamnore që edhe ata të kenë një sofër të begatshme të iftarit.
VIDEO:
/tv21
