Ushtria amerikane do të sulmojë Iranin kur të marrë urdhër nga Trump..!?

Ushtria amerikane është ‘e gatshme të zbatojë’ çdo vendim që presidenti Donald Trump mund të marrë në lidhje me çështjet e luftës dhe paqes, deklaroi ditën e djeshme Sekretari i Mbrojtjes Peter Hegseth.

Gjatë një seance dëgjimore në Komitetin e Shërbimeve të Armatosura të Senatit, Hegseth nuk pranoi të konfirmojë nëse po bëhen përgatitje për një sulm të mundshëm ndaj Iranit.

Më herët, presidenti amerikan shmangu të përgjigjej drejtpërdrejt kur u pyet nga gazetarët nëse SHBA-të planifikojnë të godasin Iranin apo objektet e tij bërthamore. Ai deklaroi se iranianët po përpiqen të komunikojnë, por shtoi: “Mendoj se është tepër vonë për bisedime.”

“Ka një ndryshim shumë të madh midis tani dhe një jave më parë,” u tha Trump gazetarëve jashtë Shtëpisë së Bardhë. “Askush nuk e di se çfarë do të bëj,” shtoi ai. Syri.net-Protothema

/syri.net