URIME: Të rinjt nga Kërçova fitojnë vendin e parë për Programim

Ekipi lokal “Brumi” i studentëve fiton vendin e parë në prestigjiozin Hakaton CodeFu Goes Green
Në një garë tejet konkurruese me pjesëmarrjen e 25 ekipeve nga i gjithë vendi, një grup prej katër studentësh univerzitarë – Luan Bajrami, Drin Kadriu, Albin Kafexhiu nga Kërçova dhe Dardan Selmani ga Tetova – të njohur si ekipi “Brumi”, shpallen fitues në Hakatonin CodeFu Goes Green, të organizuar nga Netcetera.

Hakatoni, i vlerësuar nga një panel prej tre profesorëve të shquar nga Universiteti i Shën Kirlit dhe Metodit, sfidoi pjesëmarrësit që të adresojnë çështjet mjedisore përmes zgjidhjeve inovative teknologjike.

Konkurenca ishte e ashpër, por “Brumi” dalloi me projektin e tyre revolucionar: një Platformë Dinamike të Komunikimit Vizual, e dizajnuar për të transformuar të dhënat statike mjedisore në vizualizime tërheqëse dhe në kohë reale.

Ekipi, demonstroi kreativitet dhe ekspertizë teknike të jashtëzakonshme gjatë gjithë garës. Arritja e tyre jo vetëm që nxjerr në pah frymën e tyre inovative, por gjithashtu tregon fuqinë e mendjes së të rinjve në adresimin e sfidave kritike mjedisore. Me sytë nga e ardhmja, ekipi është i vendosur të sjellë projektin e tyre tek audiencat më të gjera dhe të kontribuojë për një botë më të gjelbër.

/tvgurra