Urime: Kërçovës i shtohet edhe një mjek i ri – diplomohet Dr. Rrahim Ballazhi

Kërçovës i është shtuar edhe një profesionist i ri në fushën e shëndetësisë. Dr. Rrahim Ballazhi ka përfunduar me sukses studimet në mjekësi dhe tashmë zyrtarisht mban titullin doktor, duke realizuar një ëndërr të kahershme personale dhe familjare.

Rrugëtimi drejt këtij suksesi, sipas familjarëve, nuk ka qenë i lehtë, por është përmbyllur me arritje dhe krenari të veçantë për prindërit dhe të afërmit, të cilët theksojnë se familja e tyre ndër vite i ka dhënë shumë mjekë qytetit.

Në një dedikim emocional, familja shprehu gëzimin për realizimin e kësaj ëndrre dhe besimin se ai do ta ushtrojë profesionin me përkushtim, profesionalizëm dhe përgjegjësi ndaj pacientëve dhe komunitetit.

/votra.info