URIME: Kercovarja Doruntina Zendeli mbron me sukses doktoraturën në Politeknikun e Milanos
Më 5 qershor 2025, Doruntina Zendeli mbrojti me vlerësim maksimal (Cum Laude) titullin Doktor i Shkencave (PhD) në Politeknikun e Milanos, në Departamentin e Arkitekturës dhe Studimeve Urbane, në bashkëpunim me Universitetin Teknologjik të Delftit (TU Delft), Departamenti i Urbanizmit, në Holandë.
Tema e doktoraturës së saj kishte titullin:
“Forma Urbane, Klima dhe Shëndeti – Një studim rreth shëndetit urban dhe qëndrueshmërisë ndaj temperaturave të larta për ripërshtatjen e ambientit të jashtëm”
(“Urban Form, Climate and Health – A study on urban health and heat stress resilience for outdoor climate retrofitting”)
Doruntina u vlerësua nga një komision ndërkombëtar i përbërë nga:
Prof. Andrea Arcidiacono (Politecnico di Milano)
Prof. Blanca Arellano (Universitat Politècnica de Catalunya)
Prof. Deepti Adlakha (Delft University of Technology)
Mentorët e saj akademikë ishin:
Prof. Eugenio Morello dhe Prof. Nicola Colaninno (Politecnico di Milano)
Prof. Arjan van Timmeren dhe Prof. Marjolein van Esch (TU Delft)
Pjesë të hulumtimit të saj janë publikuar në gjuhën angleze dhe italiane në revista akademike dhe platforma shkencore.
Aktualisht, Doruntina është e angazhuar si asistente mësimore në programe bachelor dhe master në Politeknikun e Milanos. Ajo ka filluar edhe studimet postdoktorale në të njëjtën fushë dhe është pjesë e projekteve kërkimore kombëtare dhe ndërkombëtare, në kuadër të laboratorit ku është aktive si hulumtuese.
/tvgurra
