Urime: Kërçovarja Agona Çupi përmbyll studimet e doktoraturës

Dirigjentja dhe pedagogia nga Kërçova, Agona Çupi, ka përmbyllur me sukses një kapitull të rëndësishëm të rrugëtimit të saj akademik dhe profesional – studimet e doktoraturës, një proces që ajo e përshkruan si sfidues, kërkues dhe thellësisht formues.

Në një reflektim personal, Çupi thekson se ky rrugëtim ka qenë i ndërtuar mbi disiplinë, punë të palodhur dhe sakrificë, por edhe mbi momente pasigurie, lodhjeje dhe reflektimi të thellë. Ajo vë në pah se përparimi nuk ka qenë gjithmonë i dukshëm, por ka ndodhur edhe në heshtje, në mënyrë të brendshme – procese që kanë pasur po aq rëndësi sa edhe arritjet formale.

Agona Çupi shpreh mirënjohje të veçantë për mentorët e saj, për mbështetjen e vazhdueshme, si dhe për familjen, bashkëshortin dhe miqtë, të cilët kanë qenë motivimi i saj i përhershëm gjatë këtij rrugëtimi.

Për kontributin e saj të spikatur në fushën e muzikës dhe për arritjet akademike e artistike, Agona Çupi është fituese e Çmimit të Ekselencës në Dirigjim, në kuadër të manifestimit “Çmimet VOTRA 2025”, një vlerësim që konfirmon nivelin e lartë profesional dhe përfaqësimin dinjitoz të Kërçovës në skenën muzikore dhe akademike.

/votra.info