Urime: Kërçovari Dr. Gëzim Nebiu nderohet me plaketë në 30-vjetorin e Shoqatës së Mjekëve

Me rastin e 30-vjetorit të themelimit të Shoqatës së Mjekëve, Dr. Gëzim Nebiu, kryetar i degës së Kërçovës, pranoi me nder dhe mirënjohje një plaketë vlerësimi për kontributin e tij të vazhdueshëm në aktivitetet e shoqatës.

Dr. Nebiu theksoi se është krenar që përfaqëson degën e Kërçovës, ku mbi 30 vjet më parë u zhvilluan hapat e parë ilegale të shoqatës, të cilat më vonë çuan në regjistrimin dhe zyrtarizimin e saj.

Ai përmendi se kontribut të veçantë kanë dhënë të gjithë mjekët dhe anëtarët e shoqatës, duke i hapur rrugë veprimtarisë së saj profesionale dhe humanitare.

Ai shtoi se ky vlerësim shërben si motivim për të vazhduar me përkushtim dhe humanizëm rrugën e mjekëve që e nisën këtë mision me ideal dhe vullnet të pastër.

/tvgurra