Urime: Bleona Aliu nga Kërçova renditet e dyta në garën e biznes planeve në SEEU

Nxënësja Bleona Aliu, nga drejtimi Ekonomi në Shkolla e Mesme Komunale “Drita”, ka arritur një sukses të rëndësishëm duke u renditur në vendin e dytë në garën e biznes planeve, të organizuar në kuadër të aktiviteteve për Ditën e Hapur nga Universiteti i Evropës Juglindore.

Mentor i këtij projekti ishte Besmir Mehmedi, i cili ka kontribuar në zhvillimin dhe përgatitjen e idesë fituese.
Përmes projektit “Fresh Buddy”, Bleona dëshmoi nivel të lartë profesionalizmi, kreativitet dhe aftësi të avancuara sipërmarrëse, duke u veçuar në një konkurrencë të fortë mes nxënësve nga shkolla të ndryshme të vendit.

Ky rezultat përfaqëson një arritje të rëndësishme për shkollën, duke reflektuar cilësinë e përgatitjes arsimore dhe angazhimin e vazhdueshëm në zhvillimin e ideve inovative, si dhe përgatitjen e të rinjve për sfidat e tregut të punës.

/tvgurra