Urime: Atletët e AK Uskana me paraqitje të shkëlqyer në garën “ProMile Race” në Negotinë
Në garën e zhvilluar më 24 maj 2026 në Negotinë, atletët e klubit AK Uskana arritën rezultate të jashtëzakonshme, duke siguruar dy podiume – vendin e parë dhe të tretë.
Në disiplinën 5 kilometra, Muxhahid Mislimi shkëlqeu me një performancë mbresëlënëse, duke përfunduar garën në vendin e parë me kohë 15:58.
Sukses pati edhe Albert Abazi në garën
10 kilometra, i cili me kohë 38:17 u rendit në vendin e tretë dhe siguroi podiumin e radhës për AK Uskana.
Ndërkohë, në garën 5 km, edhe Sendrit Arifi tregoi formë shumë të mirë, duke realizuar kohë 18:08 dhe duke u renditur në pozitën e gjashtë.
Rezultatet konfirmojnë punën, përkushtimin dhe formën e mirë të atletëve të AK Uskana. Urime për sukseset dhe shumë fitore të tjera në vazhdim!
/tvgurra
