Urime: Abidin Seferi emërohet ushtrues detyre i drejtorit të SH.F. “Faik Konica”

Abidin Seferi ka njoftuar se ka marrë detyrën e ushtruesit të detyrës së drejtorit të Shkollës Fillore “Faik Konica”, duke e cilësuar këtë si një përgjegjësi të re që e pranon me mirënjohje, përulësi dhe përkushtim.

Në mesazhin e tij, Seferi falënderoi të gjithë ata që i besuan këtë detyrë, si dhe kolegët e shkollës për punën dhe përkushtimin e tyre, duke theksuar se ata janë shtylla kryesore e institucionit.

Ai u shpreh se është i vetëdijshëm për sfidat që e presin, por beson se përmes komunikimit të hapur, drejtësisë, profesionalizmit dhe bashkëpunimit do të arrihen objektivat e përbashkëta.

Sipas tij, prioritet do të jetë krijimi i kushteve sa më të mira për nxënësit dhe zhvillimi i mëtejshëm i shkollës.
Seferi theksoi gjithashtu se dera e tij do të jetë gjithmonë e hapur për ide, sugjerime dhe bashkëpunim, me synimin për të ndërtuar një shkollë edhe më të suksesshme në dobi të nxënësve dhe komunitetit.

/tvgurra