Urim personal me rastin e 5 vjetorit të “Odës Kërçovare” në Zvicër. Shkuran ministri Fatmir Limani

Në këtë jubile të veçantë shpreh urimet e 5-vjetorit të themelimit të “Odës Kërçovare”, vatrës së rrallë që me përkushtim e dashuri ruan dhe kultivuar shpirtin kërçovar në zemër të Zvicrës. Pesë vite shënojnë histori të qëndresës kulturore, bashkimit dhe krenarisë kombëtare.

Përmes zërit të çiftelisë, këngës burimore dhe atmosferës së odës tradicionale, keni arritur të ruani lidhjen shpirtërore me vendlindjen dhe të bartni tek brezat e rinj ndjenjën e përkatësisë dhe respektit për gjenezën e kombit përkatës.

“Oda Kërçovare” është shembull i gjallë i asaj se si mërgata shqiptare mund të jetë ambasadore e kulturës, unitetit dhe dinjitetit kombëtar. Kontributi juaj në ruajtjen e traditës kërçovare, në afrimin e bashkëqytetarëve dhe në promovimin e vlerave shqiptare është i çmuar dhe meriton mirënjohje të thellë.

Uroj që “Oda Kërçovare” të mbetet gjithmonë dritare e shpirtit kërçovar në mërgim, aty ku çdo këngë lidhet me kujtim, çdo fjalë me dashuri, çdo takim me vëllazëri dhe vazhdimsi.
Urime përzemërsisht 5-vjetorin tuaj !
Me respekt e mirënjohje,
Fatmir Beqir Limani

/ms