U vra nga burri i motrës, fqinjët: Genti ishte djalë i vetëm..

SYRI TV ka siguruar foton e 32-vjeçarit Gent Përjaku, i cili u vra me armë zjarri nga Besnik Pjetri, ish-burri i motrës së tij. Viktimë ka mbetur edhe babai i tij 56-vjeçari Pjerin Përjaku.

Një nga banorët e zonës ka treguar se ishin një familje e mrekullueshme dhe se nuk e di saktësisht se si ka ndodhur ngjarja, ndërsa në Shqipëri nuk kanë pasur konflikte.

Familja Përjaku jetonin prej 20 vitesh në Itali, ndërsa në vendlindje vinin vetëm për pushime disa ditore.

“Kanë pasë jetuar, por para 20 vitesh kanë ikur në Itali. Me vra fëminë, po jo në këtë gjendje. Vinin çdo vit këtej në Shqipëri rrinin deri në 10 ditë”.

Njëkohësisht ai tregoi se i ndjeri kishte vetëm djalin që u vra mbrëmjen e djeshme së bashku me vajzën, ish-bashkëshorten e autorit.

“Djalë i vetëm. Atë djalë dhe vajzën kanë pasur. Nuk e di se kur ka ndodhur, por asgjë nuk kam dëgjuar. Jam çuditur. S’kanë pasë konflikte, andej nuk e di, por këtej jo”, shtoi më tej banori.

Vrasja e dyfishtë ndodhi pak para mesnatës në fshatin Grykë Zezë të Lezhës, ku pas sherreve të vazhdueshme pas divorcit me gruan, Besnik Pjetri vendos të vrasë babanë dhe vëllanë e saj.

Trupat ndodhen ende në morg ndërsa familjet e viktimave kanë hapur dyert e mortit. Autori pas ngjarjes është larguar në drejtim të paditur, ndërsa policia është ende në kërkim të tij.

/syri.tv