Tv Gurra: Vizita e Kryeministrit Mickoski në Kërçovë

Sot, Kryeministri Hristijan Mickoski qëndroi në Kërçovë, ku zhvilloi takime me qytetarët dhe shprehu përkrahjen e tij për kandidatin e partisë në zgjedhjet lokale.
Në qytet u vu re prezencë e madhe e forcave policore, që shoqëruan aktivitetet e tij.

Kjo vizitë vjen pas disa ditësh të njëpasnjëshme, gjatë të cilave ministra të ndryshëm kanë ardhur në Kërçovë për të mbështetur kandidatin e tyre — ndërsa sot, vetë Kryeministri mori pjesë në aktivitetet parazgjedhore.

Para “mini-mitingut” të planifikuar për në orën 18:00 në sheshin e qytetit, Mickoski, së bashku me Sekretarin e Përgjithshëm Gjorgjia Sajkoski dhe Zëvendësministrin e Administratës Publike Laze Jakimoski, zhvilluan një takim me qytetarët në Çarshinë e Vjetër, ku biseduan për projektet aktuale, sfidat dhe planet për zhvillimin lokal të Kërçovës.

/tvgurra