Tv Gurra: Thirrje për bashkim të këshilltarëve shqiptarë në Kërçovë ! Shkruan Ilir Rushani

Në një deklaratë publike, bartësi i listës për këshilltar i Aleanca Kombëtare për Integrim (AKI), Ilir Rushani, u ka bërë thirrje kolegëve nga VLEN dhe Lista e Pavarur që t’i përgjigjen pozitivisht kësaj kërkese qytetare dhe të ulen në tryezë për të formuar shumicën shqiptare në Këshillin Komunal.

Ky është vullneti i popullit dhe detyrimi ynë politik e kombëtar,” – theksoi Rushani, duke shtuar se shumica e Këshillit duhet të pasqyrojë shumicën e popullsisë shqiptare dhe vullnetin e qytetarëve të shprehur në zgjedhjet e fundit.

Ai ne Fb shkruan
Të nderuar,
Pas shumë kërkesave dhe apelesh nga qytetarët shqiptarë të Kërçovës dhe mërgimtarët tanë, bëjmë thirrje për bashkim të të gjithë këshilltarëve shqiptarë në Këshillin Komunal.
Tre listat shqiptare: AKI (5 këshilltarë), VLEN (3 këshilltarë) dhe Lista e Pavarur (2 këshilltarë) përbëjnë së bashku shumicën në Këshill, me gjithsej 10 këshilltarë, që pasqyron realitetin demografik të qytetit tonë, ku shqiptarët janë shumicë me mbi 55% të popullsisë.

Në cilësinë e bartësit të listës për këshilltar dhe në emër të këshilltarëve të Beslidhjes Shqiptare – Aleanca Kombëtare për Integrim (AKI), i ftoj kolegët nga VLEN dhe nga Lista e Pavarur t’i përgjigjemi pozitivisht kësaj kërkese qytetare dhe të ulemi së bashku për të formuar shumicën shqiptare në Këshillin Komunal të Kërçovës.

Ky është vullneti i popullit dhe detyrimi ynë politik e kombëtar, që shumica e Këshillit të jetë shqiptare, ashtu siç është edhe shumica e popullsisë dhe siç e përcaktoi edhe vota e lirë e qytetarëve në zgjedhjet e fundit për Këshill Komunal në Kërçovë.
Me respekt,

/tvgurra