Tv Gurra: Takim mes Ambasadorit Demiri dhe Koordinatorit Veseli për forcimin e lidhjeve me mërgatën

Ambasadori i Republikës së Maqedonisë së Veriut në Zvicër, z. Rexhep Demiri, zhvilloi një takim të frytshëm me z. Mustaf Veseli, Koordinator Nacional për Bashkëpunim Rajonal dhe Integrime Evropiane.

Gjatë bisedës u diskutuan tema me rëndësi të veçantë që lidhen me mërgatën shqiptare në Zvicër, rolin e saj të pazëvendësueshëm në zhvillimin ekonomik, shoqëror dhe kulturor të vendit, si dhe mundësitë për thellimin e bashkëpunimit institucional me vendlindjen.

Ambasadori Demiri theksoi rëndësinë e bashkëpunimit të ndërsjellë dhe mbështetjes së vazhdueshme për iniciativat që lidhin mërgatën me institucionet shtetërore.
Në fund, ai shprehu mirënjohje të veçantë për z. Fehim Abazin për pjesëmarrjen dhe kontributin e tij të vlefshëm në këtë takim.

/tvgurra