Tv Gurra: Shkodran Alili: Mërgata, me votën tuaj ta mbrojme Kërçovën shqiptare

Kandidati i pavarur për kryetar të Kërçovës, Shkodran Alili, u bëri thirrje mërgimtarëve që të vijnë dhe të votojnë më 19 tetor, në mënyrë që Kërçova të mbetet shqiptare.

Ai theksoi se mbi 1000 votues më shumë se në zgjedhjet e fundit janë sinjal i përgatitjeve të VMRO-së për ta marrë komunën, përmes regjistrimeve artificiale të personave me vendbanim në Kërçovë.

Sipas Alilit, të gjithë funksionarët dhe simpatizantët e VMRO-së që kanë pasur vendbanime diku tjetër janë regjistruar në këtë komunë. Këtë e ka konfirmuar edhe Komisioni Zgjedhor Komunal, i cili njofton se, megjithëse Kërçova ka 11 vendvotime më pak, numëron mbi 1000 votues të rinj – një fakt që kërkon mobilizim të plotë të shqiptarëve.

/tvgurra